மலையடிவார
நீரோடையை நிரப்பியிருக்கிறது
சிறியதும் பெரியதுமாய்
மரங்களின்
மஞ்சள், பச்சை, ஆரஞ்சு நிற
வண்ணங்கள்.
ஆகாய பறவைகள்
தவறவிடும் எதுவும்
நீரை விலக்கினாலும்
மரங்களின் பிம்பங்கள்
விலகுவதில்லை.
பெருங்காற்றில்
அலைவுறும் மரங்கள்
பிம்பங்களையும் சேர்த்தே
அசைத்துவிடுகிறது.
நிஜங்களின் அலைவுறல்
நிழல்களை அசைப்பது - இயற்கை
நிழல்களை அசைப்பதால்
நிஜங்கள் அலைவுறல் -செயற்கை
நிழல்களை அசைக்கமுடியாது என்பதே
நிதர்சனம்.
பெருந்தனிமை
பிறழ்வுகளில்
பிக்குகளாகிவிடும் பொருத்தமற்ற நிழல்களின் பிரதிமையே
பெரும்பொருள்.
No comments:
Post a Comment