கனசெவ்வக
கண்ணாடிப்பெட்டி.
காற்றை வெளியேற்றி
முக்கால்பாகம்
நிரம்பியிருக்கிறது நீர்…!
வெளிக்காற்றின்
உதவியோடு
தொடர்ந்து நீர்
சுழற்றுகிறது மின் இயந்திரப்பொறி…!
வெவ்வேறு நிறங்களோடு
விதவிதமாக நீந்தும் மீன்கள்
மின் இயந்திரப்பொறியில்
சிக்கிவிடாத லாகவத்துடன்…!
மின் இயந்திரப்பொறியில்
சிக்காமல் நீந்தக் கற்றமீன்கள்
சற்றே ஆசுவாசமாக
சகமீன்களிடம் பலப்பிரயோகம்
செய்யத் தொடங்கின..!
வலுவுறு மீன்கள் யாவும்
பிற மீன்களை
விரட்டியும், கடித்தும்
அச்சுறுத்தின…!
சிலமீன்கள்
சமயோசிதமாய்
வலுவுறுமீன்களுக்கு
சொரிந்துவிடும்
சேவகம் செய்து
பிழைத்துக் கொண்டன…!
குழந்தைகள்
வசிக்கும் வீடுகளில்
எப்போது உடையும்
கண்ணாடிப்பெட்டி என்பது
ஒருவருக்கும் தெரிவதில்லை…!
No comments:
Post a Comment